Kazbegi Young Walkers გველეთის ჩანჩქერზე დაბანაკდა

“ორბელიანი საქართველოს” მხარდაჭერით ყაზბეგის ადგილობრივი განვითარების ჯგუფი ახორციელებს პრიოექტს Kazbegi Young Walkers.

მოხევე ახალგაზრდების და მოხალისეთა 10 კაციანი შემადგენლობა 23 სექტემბერს გველეთის ჩანჩქერის მიმდებარედ დაბანაკდა.

გასვლითი ღონისძიება მოიცავდა მონაწილეთათვის ლაშქრობის უნარჩვევების გაზიარებას, ტექნიკურ მხარდაჭერას, გაცნობითი ხასიათის და ფსიქოლოგიურ თამაშებს. პროექტის განხორციელების მიზანია რეგიონში მცხოვრები სკოლის მოსწავლეების ერთმანეთთან მჭიდრო ურთიერთობების ჩამოყალიბება, საზოგადოებაში ინტეგრაციის აქტიური მხარდაჭერა და საინტერსო, ჯანსაღი და აქტიური ცხოვრების სტილის პოპულარიზაცია ახალ თაობაში. სწორედ ამ მიზნის მიღწევას ემსახურება ყაზბეგის ადგილობრივი განვითარების ჯგუფის ინიციატივა და აქტიურად გრძელდება მუშაობა ახალი ჯგუფების შედგენასა და მარშრუტების დაგეგმვის კუთხით. 

მოხალისეთა ჯგუფი მოუწოდებს ადგილობრივ ახალგაზრდებს აქტიური ჩართულობის, იდეების გენერირების, გუნდური შეკრებებისა და ლაშქრობაში მონაწილეობისკენ. LAG Kazbegi – ს მოხალისეები მადლობას უხდიან „ორბელიანი საქართველოს“ ახალგაზრდული ინიციატივის მხარდაჭერისთვის.