Kazbegi Young Walkers

ადგილობრივი განვითარების ჯგუფს  (LAG Kazbegi ) საინტერესო და სასიამოვნო სიახლე აქვს, ქართული არასამთვრობო ორგანიზაცია  ,,ორბელიანი საქართველო“–ს მიერ გამოცხადებულ საგრანტო კონკურსში მონაწილეობა წარმატებული აღმოჩდა და იდეა „Kazbegi Young Walkers” მხარდაჭერილ პროექტებს შორისაა. ხელი მოეწერა თანამშრომლობის ხელშეკრულებას და იდეის განხორციელებისთვის საჭირო ინვერნარი უკვე ადგილობრივ მოხალისეთა განკარგულებაშია.

ყველაზე მთავარი რას გულისხმობს იდეა რომელიც ჩვენ ასე გვეამაყება:  პროექტის იდეა “KAZBEGI YOUNG WALKERS” გულისხმობს რეგიონში მცხოვრები სკოლის მოსწავლეების  ერთმანეთთან მჭიდრო ურთიერთობების ჩამოყალიბებას და საზოგადოებაში ინტეგრაციას,. იგი ემსახურება ყაზბეგის რაიონში ახალგაზრდების ცხოვრების სტილის შეცვლას, მათ ადაპტირებას რეგიონში და სხვადასხვა  ჯგუფების ერთმანეთთან დაახლოვებას. გვსურს ხელი შევუწყოთ ახალგაზრდების გააქტიურებას და ვასწავლოთ მათ პირველ რიგში თავისი სოციუმის წარმომადგენლებთან და შემდეგ უკვე სხვა რეგიონიდან მოწვეულ ბავშვებთან თანაცხოვრება, რაც მრავალეთნიკური, მრავალრელიგიური და მრავალფეროვანი საქართველოს საზოგადოებისათვის მეტად მნიშვნელოვანია. ხელი შევუწყოთ მათ არაფორმალური განათლების კუთხით და ასევე სხვადასხვა გარემოში ქცევისა და ადაპტირების უნარჩევევბის ჩამოყალიბებაში. ადგილობრივ მოხალისეთა გუნდს შემუშავებული აქვს პროგრამა რომელიც მოიცავს სკოლის მოსწავლეთა ლაშქრობებს კონკრეტულად გაწერილი და წინასწარ შეთანხმებული აქტივობებითა და დღის განრიგით. სამიზნე ჯგუფს წარმოადგენენ ადგილობრივი სკოლების 6,7,8,9 კლასის მოსწავლეები. დაგეგმილია 10 კაციანი ჯგუფების 1 და 2 დღიანი, რეგულარული გასვლითი ტურების მოწყობა. 

ახლა უკვე მნიშვნელოვანია ადგილობრივი მოსახლეობის ინფორმირება და მათი დაინტერესება.

იყავი მოხალისე, შემოგვიერთდი და გახადე ცხოვრება საინტერესო შენს რეგიონში.

ნებისმიერ მსურველს აქვს შესაძლებლობა შემოგვიერთდეს როგორც საორგანიზაციო კუთხით ასევე მონაწილეობის სურვილით.